Իրանի ու ԵԱՏՄ-ի միջև ազատ առևտրի համաձայնագիր կկքնվի մինչև տարեվերջ: Այս մասին հայտարարել է Իրանի առևտրի զարգացման կազմակերպության նախագահ Ալիռեզա Փեյմանփաքը՝ անդրադառնալով Մոսկվա կատարած այցին:
«Որոշվել է արագացնել ապրանքների ցուցակը կազմելու գործընթացը: Երկու կողմերն էլ ընդգծել են, որ մինչև 2022թ. տարեվերջ պետք է կարողանանք ազատ առևտրի համաձայնագիրը ստորագրել»,- ասել է իրանցի պաշտոնյան:
Նրա խոսքով՝ որոշվել է նաև համատեղ աշխատանքային խումբ ստեղծել ԵԱՏՄ-ի և Իրանի առևտրի զարգացման կազմակերպության միջև, որպեսզի «Հյուսիս-Հարավ միջանցքի լիարժեք գործարկման համար ստեղծվեն անհրաժեշտ ենթակառուցվածքները և ձեռնարկվեն անհրաժեշտ քայլերը»:
Նշենք, որ Իրանի մաքսային ծառայութան խոսնակի հաղորդմամբ՝ 2021 թվականի տվյալներով Իրանի և ԵԱՏՄ միջև առևտուրը կազմել է 5,6 մլրդ դոլար, որից 1,2 մլրդ-ը կազմել է Իրանից ԵԱՏՄ արտահանումը: Իսկ Իրանից ԵԱՏՄ ներկրումը կազմել է 4,4 մլրդ:
Հետևեք մեզ տելեգրամում
