Իսրայելի պաշտպանության նախարար Բեննի Գանցն այս շաբաթ մեկնելու է ԱՄՆ, որտեղ հանդիպելու է ամերիկացի իր պաշտոնակից Լլոյդ Օսթինի հետ: Տեղեկությունը հայտնում է Գանցի գրասենյակը:
Հաղորդվում է, որ մայիսի 19-ին իսրայելցի պաշտոնյան կժամանի Վաշինգտոն: Օսթինի հետ հանդիպումից հետո Գանցը հանդիպելու է Նյու Յորքի և Մայամիի հրեական համայնքների ղեկավարների հետ: Այլ մանրամասներ չեն ներկայացվել:
Հատկանշական է, որ Իսրայելի և ԱՄՆ-ի միջև հարաբերությունները լարվել են ամերիկա-պաղեստինցի լրագրող Շերին Աբու Ակլեի սպանությունից հետո: Լրագրողը սպանվել է անցյալ շաբաթ Հորդանան գետի արևմտյան ափին գտնվող Ջենին քաղաքում իսրայելական զորքերի և պաղեստինցի զինյալների միջև բախումները լուսաբանելիս: Իսրայելի զինված ուժերը մեղադրվում են լրագրողին դիտավորյալ սպանելու մեջ:
Հիշեցնենք, որ Գանցը Վաշինգտոն էր մեկնել նախորդ տարեվերջին:
Հետևեք մեզ տելեգրամում
