Ղազախստանի արտգործնախարարության խոսնակ Այբեկ Սմադյարովը հայտարարել է, որ Սիրիայի հարցով Աստանայի ձևաչափի հաջորդ հանդիպումը տեղի կունենա մայրաքաղաք Նուր-Սուլթանում հունիսի կեսերին:
«Սիրիայի հարցով Աստանայի ձևաչափով 18-րդ հանդիպումը տեղի կունենա հունիսի 14-ից 16-ին: Արտաքին գործերի նախարարությունը հրավերներ է ուղարկել բոլոր երաշխավոր երկրներին (խմբ. երաշխավոր երկրներն են Ռուսաստանը, Իրանը և Թուրքիան): Սպասում ենք հրավիրված կողմերի մասնակցության հաստատմանը»,- Նուր-Սուլթանում կառավարության նիստի շրջանակում լրագրողներին ասել է Սմադյարովը:
Նշենք, որ Սիրիայի հարցով Աստանայի ձևաչափի վերջին հանդիպումը կայացել էր նախորդ տարեվերջին:
Հետևեք մեզ տելեգրամում
