Իսրայելի արտգործնախարար Յաիր Լապիդը Jerusalem Post (JPost)-ի հետ հարցազրույցում նշել է, որ դրական Իսրայել – Սաուդյան Արաբիա հարաբերություններում դրական ուղղություն կա և եթե որոշ միտումներ տանեն դեպի դիվանագիտական հարաբերությունների հաստատման, ապա դրանք կընթանան «փոքր քայլերով»:
«Սաուդյան Արաբիայի հետ, եթե դա տեղի ունենա, դա տեղի կունենա փոքր քայլերով», – նշել է նա:
Իսրայելի արտգործնախարարն ավելացրել է, որ այդ քայլերից մի քանիսն արվում են:
Անդրադառնալով Իրանին՝ Լապիդը հաստատրել է, որ եթե արևմտյան տերությունների և Իսլամական Հանրապետության միջև նոր գործարք ձեռք բերվի, դա չի վերաբերի Իսրայելին։
«Դա մեզ ոչ մի կերպ չի վերաբերում, և մենք պատրաստվում ենք անել ամեն ինչ, որպեսզի Իրանը չդառնա միջուկային տերություն», – ասել է նա։
«Իրանն ասում է, որ մենք կարող ենք պատերազմը հասցնել ձեր շեմին: Սա տեղի չի ունենա: Եթե իրանցիները պատերազմը հասցնեն մեր շեմին, ապա պատերազմ կտեսնեն իրենց երկրում: Իսկ եթե նրանք ցանկանում են խուսափել, ապա մենք կխուսափենք նույնպես:
Հետևեք մեզ տելեգրամում
