Այսօր Սաուդյան Արաբիան հայտարարել է, որ բացել է իր օդային տարածքը իսրայելական ինքնաթիռների համար:
Սաուդյան Արաբիայի քաղաքացիական ավիացիայի վարչությունը հաղորդագրություն է տարածել Twitter-ում, որտեղ մասնավորապես նշված է.
«Քաղաքացիական ավիացիայի գլխավոր մարմինը որոշում է հրապարակել բացել Սաուդյան Արաբիայի Թագավորության օդային տարածքը բոլոր ավիափոխադրողների համար, որոնք համապատասխանում են քաղաքացիական ավիացիայի պահանջներին»:
Որոշման մեջ նշված է, որ թագավորության օդային տարածքը բացելու որոշումը կայացվել Սաուդյան Արաբիայի դիրքի ամրապնդման համար՝ որպես երեք մայրցամաքները միացնող գլոբալ հանգույց:
Թեև Իսրայելը ուղղակի կերպով հիշատակված չէ որոշման մեջ, սակայն ակնկալվում է, որ սա երկու երկրների միջև հարաբերությունների կարգավորման փոքր քայլ է՝ Ջո Բայդենի՝ Ջիդդա ժամանելուն ընդառաջ:
«Այս որոշումը Սաուդյան Արաբիայի հետ նախագահի՝ ամիսների տևող, համառ և սկզբունքային դիվանագիտության արդյունքն է»,- հայտարարել է ԱՄՆ ազգային անվտանգության հարցերով խորհրդական Ջեյք Սալիվանը՝ որոշման հրապարակումից անմիջապես հետո:
Հետևեք մեզ տելեգրամում
