Այսօր Իրանի ազգային անվտանգության գերագույն խորհրդի քարտուղար Ալի Շամխանին ժամանել է Բաքու: Տեղեկությունը փոխանցում է իրանական mehrnews լրատվամիջոցը:
Հաղորդվում է, որ Շամխանիին դիմավորել է ադրբեջանցի իր պաշտոնակից Ռամիլ Ուսուբովը:
Ուսուբովի հետ հանդիպման ընթացքում Շամխանին աջակցություն է հայտնել տարածաշրջանում կայունության ու խաղաղության հաստատմանը:
«Խաղաղության և կայունության ստեղծման հիմնական բաղադրիչներից մեկը տարածաշրջանի երկրների ինքնիշխանության և տարածքային ամբողջականության նկատմամբ հարգանքն է: Մենք դեմ ենք ցանկացած քայլի, որը անկայունության և տարածաշրջանի աշխարհաքաղաքական փոփոխության կհանգեցնի, մենք դիմակայելու ենք դրան»,- շեշտել է Շամխանին:
Նշենք, որ այցի շրջանակներում իրանցի պաշտոնյային ընդունել է նաև Ադրբեջանի նախագահ Իլհամ Ալիևը:
Հետևեք մեզ տելեգրամում
