Այսօր Իրանի հոգևոր առաջնորդ Ալի Խամենեին Թուրքիայի նախագահ Ռեջեփ Թայիփ Էրդողանի հետ հանդիպմանը հայտարարել է, որ Սիրիայի տարածքային ամբողջականության պահպանումը շատ կարևոր է: Տեղեկությունը փոխանցում է ISNA-ն:
«Սիրիայի տարածքային ամբողջականության պահպանումը շատ կարևոր է: Իսկ Սիրիայի հյուսիսում ռազմական ցանկացած հարձակում լինելու է հօգուտ ահաբեկիչների և ի վնաս Թուրքիայի, Սիրիայի և ամբողջ տարածաշրջանի»,- նշել է Իրանի հոգևոր առաջնորդը:
Խամենեին ընդգծել է, որ Իրանը, Թուրքիան, Սիրիան և Ռուսաստանը սիրիական ճգնաժամը պետք է բանակցությունների միջոցով լուծեն:
Հետևեք մեզ տելեգրամում
