Սիրիայում ընդդիմադիրների շրջանակում շարունակվում են բողոքի ակցիաները: Համացանցում նոր կադրեր են շրջանառվում Սիրիայի հյուսիսում գտնվող և Թուրքիայի կողմից օկուպացված Ջարաբուլուսում կազմակերպված ցույցերից:
Բողոքի ակցիաների պատճառը թուրք արտգործնախարար Մևլութ Չավուշօղլուի հայտարարությունն է առ այն, որ Սիրիայի ընդդիմությունը և կառավարությունը պետք է հաշտության եզրեր գտնեն:
«Մինչդեռ Թուրքիայի կողմից Սիրիայի տարածքների բռնազավթումը և այնտեղ տասնյակ հազարավոր ահաբեկիչներին տրվող աջակցությունն է հակամարտության հիմնական շարժիչ ուժը»,- Twitter-ի իր միկրոբլոգում գրել է ամերիկացի հայտնի լրագրող Լինդսի Սնելը:
Գրառմանը կից նա տեսանյութ է հրապարակել բողոքի ցույցերից:
Հետևեք մեզ տելեգրամում
