Region Monitor-ը ներկայացնում է շաբաթվա ընթացքում Իրանում, Թուրքիայում, Հվ. Կովկասում, արաբական մի շարք երկրներում տեղի ունեցած կարևոր զարգացումները և իրադարձությունները:
Թուրքիայում հանգստյան օրերին տեղի էին ունեցել միանգամից 3 խոշոր ավտովթարներ, որոնց հետևանքով գրանցվել էր 36 զոհ և բազմաթիվ վիրավորներ:
Թուրքիայում տեղի ունեցած դեպքի առնչությամբ ցավակցել էր անգամ ՀՀ ԱԺ փոխխոսնակ Ռուբեն Ռուբինյանը, ով նաև ՀՀ-ի հատուկ ներկայացուցիչն է հայ-թուրքական հարաբերությունների կարգավորման գործընթացում:
Հայաստանի վարչապետ Նիկոլ Փաշինյանն էլ հեռախոսազրույց է ունեցել Ռուսաստանի նախագահ Վլադիմիր Պուտինի հետ:
Արդեն երրորդ ամիսն է, ինչ Իրանում շարունակում են դատապարտել Ադրբեջանի իշխանությունների ճնշումները երկրի շիա մուսուլմանների նկատմամբ: Իրանական «Farse news»-ի մի խումբ օգտատերեր կոչ են արել աջակցել Ադրբեջանի շիաներին։
Օգոստոսի 24-ին Հանրային կապերի և տեղեկատվության կենտրոնում տեղի ունեցավ հանդիպում Հայաստանի Հանրապետությունում Ռուսաստանի Դաշնության արտակարգ և լիազոր դեսպան Սերգեյ Կոպիրկինի հետ։
Օգոստոսի 24-ից Իրանի ԶՈՒ-ի չորս զորքերի մասնակցությամբ կանցկացվեն անօդաչու թռչող սարքի համատեղ զորավարժություններ։ Տեղեկությունը փոխանցում է Mehr լրատվական գործակալությունը:
Հայաստանի և Ադրբեջանի միջև սահմանազատման և սահմանային անվտանգության հարցերի հանձնաժողովների հանդիպումը նախատեսված է մինչև օգոստոսի վերջ՝ Մոսկվայում:
Բրյուսելում էլ օգոստոսի 31-ին նախատեսվում է Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի եռակողմ հանդիպումը:
ԱՄՆ պետդեպարտամենտը պատասխանել է ԵԱՀԿ Մինսկի խմբի նոր համանախագահ նշանակելու վերաբերյալ պաշտոնական Բաքվից հնչեցված անհեթեթ հայտարարությանն այն մասին, թե նման քայլերը «չեն կարող նպաստել հայ-ադրբեջանական հարաբերությունների կարգավորմանը»։
6 տարվա դադարից հետո ԱՄԷ-ի նորանշանակ դեսպանը վերսկսել է դիվանագիտական պարտականությունների կատարումը Թեհրանում:
Սիրիայի Հալեպ նահանգում սպանվել է Իրանի Իսլամական հեղափոխության պահապանների կորպուսի (ԻՀՊԿ) բարձրաստիճան սպա:
Իսրայելը և Լիբանանը շատ մոտ են ծովային սահմանազատման շուրջ համաձայնագրի կնքմանը: Իսրայելական Channel 12 հեռուստաալիքի հաղորդմամբ՝ համաձայնագիրը ներառելու է փոխզիջումներ:
Տարածաշրջանային որոշ հարցերի վերաբերյալ Թուրքիայի և Իրանի տեսակետները երբեմն մրցակցային բնույթ են ստանում։ Նման տեսակետ է արտահայտվել իրանական «Tahlilbazaar» կայքում հրապարակված՝ իրանա-թուրքական հարաբերությունների վերաբերյալ հոդվածում:
Հետևեք մեզ տելեգրամում
