2022թ. երկրորդ քառորդում Վրաստանից ամենամեծ տուրիստական հոսքը եղել է դեպի Թուրքիա՝ 55.7%, այնուհետև՝ Ռուսաստան՝ 10.7%, եռյակը եզրափակել է Հայաստանը՝ 6.8% ցուցանիշով։ Այդ մասին հայտնում է Վրաստանի ազգային վիճակագրական գրասենյակը:
Իսկ 2022թ. երկրորդ քառորդում դեպի Վրաստան ամենամեծ տուրիստական հոսքը եղել է Ռուսաստանից՝ 19.3% (175.4 հազար), այնուհետև՝ Թուրքիայից՝ 14.9% (158.3 հազար), եռյակը եզրափակել է Հայաստանը՝ 12.1% (136.8 հազար) ցուցանիշով:
Ըստ վիճակագրական տվյալների՝ 2022թ.-ի օգոստոսին Վրաստան է այցելել ավելի քան 912 հազար զբոսաշրջիկ: Այդ ցուցանիշը 201 տոկոսով գերազանցում է 2021թ.-ի ցուցանշին:
Իսկ 2022 հունվարից օգոստոս ընկած ժամանակահատվածում Վրաստան է մեկնել 3 256 370 զբոսաշրջիկ, ինչը գերազանցում է նախորդ տարվա նույն ժամանակահատվածի ցուցանիշը:
Հետևեք մեզ տելեգրամում
