Ադրբեջանը հրապարակել է մարդկային կորուստները

Ադրբեջանի պաշտպանության նախարարությունը հրապարակել է սպանված զինծառայողների անունները: Ցուցակը հրապարակվել է ադրբեջանական «ԱՊԱ» լրատվամիջոցում:

Երեկ Ադրբեջանը հաղորդել էր, որ սպանվել է 50 զինծառայող, որից 8-ը՝ սահմանապահ:

Նշենք, որ սեպտեմբերի 13-ին ժամը 00:05-ից, Ադրբեջանի ԶՈՒ ստորաբաժանումները Գորիսի,Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաեւ ԱԹՍ-ներ:

Սեպտեմբերի 13-ի լույս 14-ի գիշերը իրադրությունը հայ-ադրբեջանական սահմանին շարունակել է լարված մնալ։ Մասնավորապես՝ Ջերմուկի ուղղությամբ հակառակորդը կիրառել է հարվածային անօդաչու թռչող սարքեր։

Այսօր՝ ժամը 08։00-ից սկսած վերսկսել է նախահարձակ գործողությունները, մասնավորապես՝ Ջերմուկի և Վերին Շորժայի ուղղություններով։