Իրանի Ատրպատական և Արդաբիլ նահանգներում (մեծամասամբ թյուրքախոս բնակչությամբ) որոշ խմբավորումներ փողոցներում փակցրել են Ադրբեջանի նախագահի լուսանկարները: Այս առնչությամբ Ադրբեջանի իշխանությունների աջակցությունը վայելող թելեգրամյան ալիքները պնդում են, թե Ադրբեջանի նախագահի լուսանկարները փակցվել են այն պատճառով, որ «Իրանում միլիոնավոր ադրբեջանցիներ Իլհամ Ալիևին իրենց նախագահն են համարում»։
Մինչդեռ իրանական թելեգրամյան ալիքները գրել են, թե «Թավրիզի փողոցներում Ալիևի լուսանկարը փակցնելով՝ 2-3 հոգի տպավորություն են ստեղծում, թե թավրիզցիները սիրում են այս տղային»։
Ալիևի լուսանկարները Թավրիզի փողոցներում դժգոհության պատճառ է դարձել իրանական թելեգրամյան ալիքներում:
Զուգահեռաբար, օրեր առաջ իրանական թելեգրամյան ալիքները տեղեկություն էին տարածել, թե Նախիջևանի Ինքնավար Հանրապետությունում հասարակության շրջանում ակտիվություն է նկատվել, պահանջելով այն միացնել Իրանին:
Նշենք, որ վերջին շրջանում՝ մասնավորապես Ադրբեջանի հետ սահմանին Իրանի անցկացրած զորավարժություններից և Կապանում Իրանի գլխավոր հյուպատոսության բացումից հետո Բաքվում ակտիվացել են հակաիրանական տրամադրությունները:
Ադրբեջանի հանրային հեռուստաընկերությունը հակաիրանական քաղաքական արշավ է մեկնարկել՝ ծաղրական երգ ներկայացնելով Իրանի մասին:
Հետևեք մեզ տելեգրամում
