Նոյեմբերի 10-ին Լիբանանի խորհրդարանը դարձյալ ձախողել է հանրապետության նոր ղեկավարի ընտրությունը:
Խորհրդարանի խոսնակ Նաբիհ Բերրիի հաղորդմամբ՝ նախագահի թեկնածուներից ոչ մեկը չի կարողացել ստանալ խորհրդարանի 128 անդամներից 65-ի աջակցությունը, որոնց ձայներն անհրաժեշտ են հաղթանակի համար:
«Ընդդիմադիր խմբակցություների թեկնածու Միշել Մուավադի օգտին քվեարկել Է 44 պատգամավոր, որը օրենսդիների ամենամեծ թիվն Է, իսկ անկախ թեկնածու Իսամ Խալիֆայի օգտին՝ 6»,- հայտարարել Է խոսնակը:
Բերրին ավելացրել է, որ 47 պատգամավորներ քվեատուփերի մեջ են գցել դատարկ քվեաթերթիկներ:
Նշենք, որ Լիբանանում նախագահի ընտրություններն անցկացվել են արդեն հինգերորդ անգամ: Առաջին փուլը կայացել Է սեպտեմբերի 29-ին: Նախագահ Միշել Աունի լիազորությունների ժամկետն ավարտվել է հոկտեմբերի 31-ին: Լիբանանի Սահմանադրության համաձայն՝ հանրապետության ղեկավարի պարտականությունները ժամանակավորապես կատարում Է կառավարությունը՝ վարչապետ Նաջիբ Միկաթիի գլխավորությամբ:
Հաղորդվել է, որ հաջորդ քվեարկությունը խորհրդարանում կկայանա հինգշաբթի՝ նոյեմբերի 17-ին:
Հետևեք մեզ տելեգրամում
