Լիբանանի խորհրդարանի պատգամավոր, ՀՅԴ Կենտրոնական կոմիտեի ներկայացուցիչ Հակոբ Բագրատունին դատապարտել է Լիբանանի Աքար մարզի Քաուաշրա գյուղում Ադրբեջանի կողմից սանձազերծած 44-օրյա պատերազմի ընթացքում հայկական բանակի կողմից ոչնչացված ադրբեջանցի զինվորների հիշատակին նվիրված հուշարձանի կանգնեցումը:
Բագրատունին նշել է, որ Լիբանանի խորհրդարանի պատգամավորներ Մոհամեդ Սլեյմանը և Ջիմի Ժաբուրը ներկա են գտնվել հուշարձանի տեղադրման արարողությանը:
«Հարգելով գյուղի բնակիչներին՝ սակայն անարգանք է լիբանանյան գյուղում մարդկության հանդեպ ոճրագործների «հիշատակին» նվիրված հուշարձանի կանգնեցումը»,- հավելել է Բագրատունյանը:
Նա հիշեցրել է, որ Լիբանանը պաշտոնապես դատապարտել է հայկական քաղաքների ավերումն ու սպանությունները:
«Կան շատերը, որոնք հարգանքի են արժանի, սակայն ոճրագործների տեղը ամոթի կախաղանն է»,- եզրափակել է հայ պատգամավորը:
Հետևեք մեզ տելեգրամում
