Թեհրանում Ադրբեջանի դեսպանատան վրա հարձակվողը եղել է Իրանի քաղաքացի, իսկ նրա կինը՝ Ադրբեջանի քաղաքացի։ Այս մասին հայտնել է Թեհրանի ոստիկանապետը:
Ավելի վաղ հաղորդվել էր, որ ադրբեջանցի կինը դեռևս 2022 թվականի ապրիլին գնացել է Ադրբեջանի դեսպանատուն և այլևս չի վերադարձել:
Հարձակվող տղամարդը ասել է, որ բազմիցս դիմել է դեսպանատուն, սակայն պատասխան չի ստացել: Մերժում ստանալուց հետո տղամարդը որոշել է զենքով մուտք գործել դեսպանատուն:
Ավելի վաղ հաղորդել էինք, որ այսօր Թեհրանում Ադրբեջանի դեսպանատան վրա հարձակում է տեղի ունեցել: Սպանվել է դեսպանատան անվտանգության աշխատակիցը, ևս երկուսը վիրավորվել են:
Հետևեք մեզ տելեգրամում
