Իրանի նախագահ Էբրահիմ Ռայիսին և Չինաստանի վարչապետ Լի Կեցյանը կարևորել են ռազմավարական գործընկերության համապարփակ փաստաթղթի ստորագրումը:
Պաշտոնյաների խոսքով՝ այս քայլն արտացոլում է երկու երկրների միջև հարաբերությունները զարգացնելու կամքը:
Նշենք, որ Իրանի նախագահ Էբրահիմ Ռայիսին այսօր եռօրյա այցով ժամանել է Պեկին և բարձրաստիճան պաշտոնյաների հետ հանդիպում ունել: Այցի շրջանակում ստորագրվել է 20 փաստաթուղթ երկկողմ համագործակցության վերաբերյալ՝ ՏՏ, առևտրի, գյուղատնտեսության, զբոսաշրջության, առողջապահության և այլ ոլորտներում:
Ռայիսին հանդիպել է նաև Չինաստանի նախագահ Սի Ցզինպինի, վարչապետ Լի Կեցյանի և խորհրդարանի նախագահ Լի Ջանշույի հետ։
Հետևեք մեզ տելեգրամում
