Հայ փրկարարների աշխատանքները Թուրքիայում շարունակում է հիստերիա առաջացնել Ադրբեջանում: Ադրբեջանական Kepez TV-ի եթերով, ադրբեջանցի հաղորդավարուհին խոսելով Թուրքիայում տեղի ունեցած երկրաշարժի և Ադրբեջանի կողմից տրամադրված «օգնության» մասին, նշել է
«Չենք ցանկանում, որ անգամ քարը դիպի թյուրքի ոտքին, քանի որ թյուրքը բացի թյուրքից այլ բարեկամ չունի»:
Վերոնշյալ ազգայնամոլական խոսքերը դժգոհություն են առաջացրել անգամ սոցցանցերի թուրքական տիրույթի որոշ օգտատերերի շրջանում:
Մասնավորապես թուրք լրագրող Նեսե Իդիլը, մեկնաբանելով ադրբեջանցի հաղորդավարուհու խոսքերը, նշել է.
«Ամբողջ աշխարհը եկել է այստեղ օգնելու, ինչպե՞ս բարեկամ չունի։ Հետաքրքիր է, ե՞րբ է վերջանալու այս ամենը: Թյուրքիզմով ավելի շատ ադրբեջանցիներն են զբաղվում, քան թուրքերը։»
Ուշագրավ է, որ թուրք լրագրող խստքերը քննադատության է ենթարկվել թուրք և ադրբեջանցի ազգայնական օգտատերերի կողմից, հնչել են նաև սպառնալիքներ:
Ավելի վաղ թուրքական Haber Global լրատվամիջոցը, որի հիմնադիրներն ի դեպ ադրբեջանցի գործարարներ են, Թուրքիա մեկնած հայ փրկարարների վերաբերյալ հակահայկական ռեպորտաժ էր պատրաստել:
Հետևեք մեզ տելեգրամում
