Իսրայելը ռմբակոծել է Գազան, երբ պաղեստինյան զինյալները մի քանի հրթիռներ էին արձակել Իսրայելի ուղղությամբ:
Կողմերի միջև լարվածության պատճառ է դարձել Իսրայելի զինված ուժերի իրականացրած ստուգարշավը Արևմտյան ափում գտնվող Նաբլուս քաղաքում, ինչի արդյունքում սպանվել է 11 պաղեղտինցի, վիրավորվել՝ ևս 100-ը:
Aljazeera-ն հաղորդում է, որ հրթիռներն արձակվել են Գազայի հատվածից, որի արդյունքում Իսրայելի Սդերոտ և Աշկելոն քաղաքների ազդանշանները գործարկվել են:
Տուժածների կամ ավերածությունների մասին ոչինչ չի հաղորդվել:
Պաղեստինցի ականատեսները պատմել են, որ 8 հրթիռ է արձակվել: Մինչդեռ Իսրայելի բանակը հաղորդել է, որ 6 հրթիռ է արձակվել, որոնցից 5-ը խոցել է երկրի հակաօդային պաշտպանությունը, իսկ վեցերորդն ընկել է անմարդաբնակ տարածքում:
Հետևեք մեզ տելեգրամում
