Թուրքիայի միակ հայկական Վաքըֆլը գյուղը վերջին աղետալի երկրաշարժից խիստ վնասվել է։
Թեև երկրաշարժի հետևանքով մարդկային կորուստներ չեն գրանցվել, սակայն բնակիչներն անհանգստանում են գյուղի ճակատագրով:
Երկրաշարժից խիստ վնասվել է գյուղի 40 քարաշեն տներից 30-ը, ինչպես նաև Սուրբ Աստվածածին եկեղեցին։ Գյուղի 130 բնակիչները զրկվել են էլեկտրաէներգիայից։ Անտուն մնացած գյուղացիներից ոմանք ապաստանել են թեյատանը և ժամանակավոր կացարան-վրաններում։
«Վաքըֆն այն ամենն է, ինչ մենք ունենք։ Միակ հայկական գյուղը Թուրքիայում։ Մեր տունն է։ Սիրտս կոտրում է այս վիճակով տեսնելիս»,-ասում է 67-ամյա թոշակի անցած ոսկերիչ Մասիսը, ով 17 տարի Ստամբուլում ապրելուց հետո վերադարձել է հայրենի գյուղ։
«Ես չգիտեմ, թե որքան կտևի գյուղի վերականգնումը։ Իսկապես վախենում եմ, որ մարդկանց մեծ մասը կհեռանա ու գյուղը կմնա լքված»,- անհանգստությամբ հավելել է Մասիսը:
Հայաբնակ Վաքըֆը կամ Վաքըֆլըն գտնվում է Մուսա լեռան լանջին՝ Թուրքիայի Հաթայի մարզում։
Հետևեք մեզ տելեգրամում
