Պաշտոնական Թեհրանի սկզբունքային քաղաքականությունը տարածաշրջանում աշխարհաքաղաքական ցանկացած փոփոխությանը դեմ լինելն է:Այս մասին հայտարարել է Իրանի ԱԳ նախարար Հոսեյն Ամիր Աբդոլլահիանը ՀՀ արտգործնախարար Արարատ Միրզոյանի հետ Ժնևում կայացած հանդիպման ժամանակ:
Աբդոլլահիանը շեշտել է, որ Իրանի և Հայաստանի միջև հարաբերությունները պատմական ու խորը բնույթի են՝ հօգուտ տարածաշրջանի շահերի:
«Մենք աջակցում ենք Կովկասում բոլոր երկրների միջև կապերի զարգացմանը, բայց մեր սկզբունքային քաղաքականությունը տարածաշրջանում աշխարհաքաղաքական ցանկացած փոփոխությանը դեմ լինելն է»,- նշել է Իրանի արտգործնախարարը:
Նրա խոսքով՝ երկու երկրներն ունեն լայն հնարավորություններ հարաբերությունների զարգացման համար, հատկապես՝ տնտեսության ոլորտում:
Հետևեք մեզ տելեգրամում
