«The Jerusalem Post» պարբերականը գրում է, որ նախորդ շաբաթ Երուսաղեմ քաղաքի Դավիթ տեղամասի ոստիկաններն հանդիպել են հայկական եկեղեցու և համայնքի անդամների հետ։
Պարբերականի տեղեկացմամբ՝ հանդիպումը տեղի է ունեցել Հայոց պատրիարքարանում և քննարկվել են հայկական թաղամասում «վեճերի» լուծման անհրաժեշտությունը, ինչպես նաև 2023 թվականի Սուրբ Զատիկի նախապատրաստական աշխատանքները:
Քննարկումների ժամանակ ընդգծվել է հասարակական կարգի պահպանման անհրաժեշտությունը՝ հայերին թիրախավորելու միջադեպերի և հակահայկական հանցագործությունների մեղավորներին հայտնաբերելու և հետապնդելու ֆոնին:
Ավելի վաղ հաղորդել էինք, որ Երուսաղեմում հայերը և քրիստոնեական համայնքը հրեա ծայրահեղականների կողմից ենթարկվում են ճնշումների և հետապնդումների:
Հետևեք մեզ տելեգրամում
