Մենք հաստատել ենք մեր հանձնառությունը Ռուսաստանի, Ադրբեջանի եւ Հայաստանի ղեկավարների հայտարարությունների բոլոր դրույթների պարտադիր կատարմանը։ 2020 թվականի նոյեմբերից արդեն չորս հայտարարություն է ստորագրվել։ Այս մասին Բաքվում փետրվարի 28-ին Ադրբեջանի արտգործնախարար Բայրամովի հետ համատեղ մամուլի ասուլիսում հայտարարել է ՌԴ ԱԳ նախարար Սերգեյ Լավրովը։
«Դրանք կազմում են մեր համատեղ աշխատանքի հիմքը»,- նշել է նա։
Լավրովխ խոսքով՝ մատնանշվել է 3+3 խորհրդատվական տարածաշրջանային հարթակի (Հարավային Կովկասի 3 երկրներ եւ Ռուսաստան, Թուրքիա, Իրան) ռիթմիկ աշխատանքի նշանակությունը։
«Դա լրացուցիչ հնարավորություններ է ստեղծում տարածաշրջանի երկրների եւ նրանց հարեւանների միջեւ երկխոսության հաստատման եւ բազմակողմանի համագործակցության զարգացման համար», – հավելել է նախարարը:
Հետևեք մեզ տելեգրամում
