Իրանական ԶԼՄ-ները շարունակում են ակտիվորեն քննարկել ադրբեջանական մամուլում իրականացվող հակաիրանական քարոզչությունը:
Մասնավորապես, իրանական «Ziaossalehin» կրոնական ուղղվածության կայքը դատապարտել է Ադրբեջանի նման վարքագիծը՝ այդ թվում Բաքվում Իրանի օգտին լրտեսության մեղադրանքով ձերբակալություններին:
Կայքը շեշտել է, որ Բաքվի հակաիրանական արշավին պետք է պատասխանել նոր ռազմավարությամբ:
«Ալիևների ու Փաշաևների հակաիրանական ու հակաիսլամական էությունն ամբողջովին ծառայում է սիոնիզմի, պանթյուրքիմի և Անգլիայի շահերին»,- նշում է կայքը:
Կայքը հավելել է, որ Թեհրանի զիջողական քաղաքականությունն իրավիճակը չի փոխելու, այլ ավելին՝ խորացնելու է Իրանի նկատմամբ թյուրընկալումը և «հանգեցնելու է Իրանի ու իսլամի նկատմամբ ավելի լկտի գործողությունների»:
Հետևեք մեզ տելեգրամում
