Իսրայելի Հայֆա քաղաքում Հայոց ցեղասպանության զոհերի հիշատակին նվիրված հուշարձան կկանգնեցվի: Այս մասին Regionmonitor.am-ի հետ հարցազրույցում նշել է իսրայելահայ ակտիվիստ, Հայ դատի Երուսաղեմի հանձնախմբի անդամ Քրիստինե Մովսեսյանը։
Մովսեսյանը հավելել է, որ հուշարձանը կանգնեցնելու որոշումը կայացվել է մոտ մեկ ամիս առաջ:
««Հոմենդմեն» կազմակերպությունն արդեն քաղաքապետարանի հետ համաձայնության է եկել: Արդեն գումար է հավաքվում այս նախաձեռնության իրականացման համար»,- նշել է Մովսեսյանը:
Մովսեսյանը հավելել է, որ նմանատիպ հուշարձան կա նաև Պետահ Տիկվա քաղաքում:
Նշենք, որ Հայֆա քաղաքը գտնվում է Իսրայելի հյուսիսում: Այս քաղաքում զգալի թվով հայեր են բնակվում:
Հետևեք մեզ տելեգրամում
