Այսօր առավոտյան Իսրայելում ցուցարարներն արգելափակել են երթևեկությունը դեպի Բեն-Գուրիոն օդանավակայանի մեկնումների տարածք՝ որպես համազգային բողոքի ակցիաների մի մաս, որոնք իրականացվում են ամբողջ երկրում ընդդեմ դատական բարեփոխումների:
Բողոքի ցույցերի պատճառով հետաձգվել է նաև Իսրայելի վարչապետ Բենյամին Նեթանյահուի այցն Իտալիա:
Նախատեսվում էր, որ Նեթանյահուն Իսրայելի ժամանակով ժամը 13:00-ին կհանդիպի ԱՄՆ պաշտպանության նախարար Լլոյդ Օսթինին, իսկ ժամը 14:00-ին՝ կմեկնի Իտալիա:
Նշվում է նաև, որ Օսթինի հետ հանդիպումը կայանալու է Իսրայելի օդատիեզերական արդյունաբերության կենտրոնակայանում՝ օդանավակայանի հարևանությամբ, քանի որ բողոքի ցույցերի պատճառով հնարավոր չէ տեղափոխվել Երուսաղեմ կամ պաշպանության նախարարության շենք:
Իսրայելական ԶԼՄ-ները գրում են, որ ոստիկանությունը դեպքի վայրում փորձում է բացել խցանումը՝ սկսելով տուգանքներ կիրառել: Ձերբակալվել է 13 ցուցարար:
Հետևեք մեզ տելեգրամում
