Իրաքում շարունակում է գործել «Իսլամական պետություն» ահաբեկչական կազմակերպության 400-ից մինչև 500 զինյալ: Այս մասին հայտարարել են Իրաքի բարձրաստիճան պաշտոնյաները:
Համաձայն ՄԱԿ-ի Անվտանգության խորհրդի` փետրվարին հրապարակված զեկույցի գնահատումների՝ կազմակերպությունն ունի «5000-ից 7000 անդամներ և աջակիցներ», որոնք սփռված են Իրաքի և Սիրիայի միջև և որոնցից «գրեթե կեսը զինյալներ են»:
Նշենք, որ 2014 թվականին ԱՄՆ-ի գլխավորությամբ միջազգային կոալիցիայի կողմից իրականացված ռազմական մի շարք գործողություններից հետո ԻՊ-ը պարտություն կրեց: Ավելի ուշ՝ 2017 թվականին Իրաքը հայտարարեց ԻՊ-ի ջախջախման և պարտության մասին, սակայն ահաբեկչական կազմակերպությունը շարունակում է պարբերաբար հարձակումներ իրականացնել անվտանգության ուժերի և քաղաքացիական անձանց դեմ:
Հետևեք մեզ տելեգրամում
