Բաքվի իշխանություններն Իսրայելի ու Թուրքիայի օգնությամբ փորձում են կտրել Հայաստանի և Իրանի սահմանը: Նման տեսակետ է ներկայացվել իրանական «Mashreghnews» լրատվական կայքում հրապարակված հոդվածում:
Կայքը գրել է, որ ադրբեջանական կողմը, փակելով Լաչինի միջանցքը և կտրելով Ղարաբաղի գազի մատակարարումը, նպատակ ունի ճնշում գործադրել Հայաստանի վրա և ստեղծել «Զանգեզուրի միջանցքը»։
Կայքը հավելել է, որ Իրանն ու Ռուսաստանը, դեմ են այս միջանցքի ստեղծմանը, սակայն Ադրբեջանն Իսրայելի ու Թուրքիայի օգնությամբ փորձում է կտրել Հայաստանի և Իրանի սահմանը։
Նշվել է նաև, որ Իրանն այս հարցի առնչությամբ իր մոտեցումն արտահայտել է Արաքսի ափին անցկացված զորավարժությամբ, և Թեհրանի նպատակը ոչ թե պատերազմն է, այլ տարածաշրջանում կայուն անվտանգության ստեղծումը:
Հետևեք մեզ տելեգրամում
