ԱՄՆ նախագահ Ջո Բայդենը հայտարարել է, որ Իսրայելը չի կարող շարունակել իր ներկայիս ուղին:
«Ինչպես Իսրայելի շատ աջակիցներ, ես շատ անհանգստացած եմ… Նրանք չեն կարող շարունակել այս ճանապարհը», – Հյուսիսային Կարոլինայի նահանգ կատարած այցի ժամանակ լրագրողներին ասել է Բայդենը:
«Հուսով եմ, որ վարչապետը [խմբ.՝ Նեթանյահուն] կգործի այնպես, որ կփորձի իրական փոխզիջում գտնել, բայց դա դեռ տեսնել է պետք», – ասել է ԱՄՆ նախագահը:
Բայդենը նաև հավելել է, որ առնվազն «մոտ ժամանակահատվածում» չի նախատեսում Նեթանյահուին հրավիրել Սպիտակ տուն:
Ի պատասխան Բայդենի՝ Իսրայելի վարչապետ Բենյամին Նեթանյահուն անմիջապես հայտարարություն է տարածել՝ գրառում կատարելով Twitter- իր միկրոբլոգում:
«Իսրայելը ինքնիշխան երկիր է, որն իր որոշումները կայացնում է իր ժողովրդի կամքով, այլ ոչ թե արտաքին ճնշումների հիման վրա՝ այդ թվում լավագույն ընկերների», -գրել է Նեթանյահուն՝ ավելացնելով, որ ավելի քան 40 տարի ճանաչում է Բայդենին և գնահատում նրա երկարամյա նվիրվածությունն Իսրայելին:
Նեթանյահուն հայտարարել է, որ իր վարչակազմը ձգտում է բարեփոխումներ իրականացնել «կոնսենսուսի միջոցով»:
Հետևեք մեզ տելեգրամում
