Մենք մերժում ենք տարածաշրջանի աշխարհաքաղաքական ցանկացած փոփոխություն տարբեր հիմնավորմամբ: Այս մասին հայտարարել է Իրանի արտգործնախարար Հոսեյն Ամիր Աբդոլլահիանը՝ Լավրովի հետ համատեղ մամուլի ասուլիսի ժամանակ:
Աբդոլլահիանը հավելել է, որ հակասությունները պետք է լուծվեն քաղաքական երկխոսության միջոցով՝ տարբեր կողմերի ներգրավվմամբ:
Իրանի արտգործնախարարը նաև շեշտել է, որ Լավրովի հետ հանդիպման ժամանակ անդրադարձ է կատարվել կովկասյան զարգացումներին՝ հավելելով, որ լարվածության շարունակականությունն ի շահ Ադրբեջանի և Հայաստանի չէ:
«Այս տարածաշրջանում հարցերը պետք է լուծվեն 3+3 ձևաչափով և գոյություն ունեցող այլ մեխանիզմներով՝ հեռու մնալով ուժի դիմելու մեթոդներից»,- ընդգծել է Աբդոլլահիանը:
Իր հերթին ՌԴ արտգործնախարար Սերգեյ Լավրովը նշել է, որ կողմերը բավականին մոտ դիրքորոշում ունեն միջազգային և տարածաշրջանային օրակարգային հարցերի շուրջ:
Լավրովի խոսքով՝ Իրանի արտգործնախարարի հետ բովանդակային քննարկումներ են ունեցել միջազգային, տարածաշրջանային երկկողմ հետաքրքրություն ներկայացնող հարցերի շուրջ՝ հատուկ ուշադրություն է դարձնելով վառելիքի և ատոմային էներգիայի ոլորտին։
Հետևեք մեզ տելեգրամում
