Ադրբեջանի նկատմամբ Իրանի համբերության գլխավոր պատճառը Ադրբեջանի շիա ժողովրդի հետ ընդհանուր կապերն են: Նման տեսակետ է հայտնել Իրանի Արդաբիլ նահանգի Ասլանդուզ քաղաքի ուրբաթօրյա աղոթապետ Մոհամմադ Ջաֆարզադեն:
«Ադրբեջանի նկատմամբ մենք համբերատար ենք: Իլհամ Ալիևը պետք է իմանա, որ այս համբերությունը ռազմավարական համբերություն է: Այս համբերության գլխավոր պատճառը Ադրբեջանի շիա ժողովրդի հետ մեր ընդհանուր կապերն են, այլապես մենք երբեք թույլ չանք տա, որպեսզի մեր սահմանած կարմիր գծերը հատեն, հակառակ դեպքում Իրանի պատասխանը շատ կտրուկ կլինի»,-նշել է Ջաֆարզադեն։
Աղոթապետը նշել է, որ «սիոնիստական ռեժիմը» պատերազմ հրահրելու հարթակ է փնտրում, իսկ ամենախոցելի տարածաշրջանը Կովկասն է՝ Ադրբեջանի ու Հայաստանի միջև լարվածությունը։
Ջաֆարզադեն շեշտել է, որ «Սիոնիստական ռեժիմը» փորձում է Իրանին ներքաշել տարածաշրջանի որոշ խնդիրների մեջ, հաշվի առնելով, որ Իրանը Հայաստանի հետ սահմանը հայտարարել է որպես կարմիր գիծ և զորավարժություններ է անցկացրել հյուսիսային սահմանների երկյանքով։
Նրա խոսքով՝ ներկայումս Ալիևի համար պատեհ առիթ է սահմաների էքսպանսիայի համար, քանի որ Ռուսաստանը այժմ կենտրոնացել է Ուկրաինայի պատերազմի վրա:
Հետևեք մեզ տելեգրամում
