Թուրքիայում մայիսի կայանալիք ընտրություններում հաղթելու Էրդողանի շանսերը նվազում են, բայց նա այն մարդը չէ, ով այդքան հեշտությամբ կկիսի իշխանությունն։ Այս մասին Region Monitor-ի հետ զրույցում ասել է Միջազգային հարաբերությունների եւ համաշխարհային տնտեսագիտության ինստիտուտի ավագ գիտաշխատող, քաղաքագետ, թուրքագետ Վիկտոր Նադեին-Ռաևսկին:
Չնայած այն հանգամանքին, որ ընդդիմադիր «Ազգ» դաշինքի միասնական թեկնածու Քեմալ Քըլըչդարօղլուն սոցհարցումների համաձայն՝ հաղթում է ընտրություններում, այնուամենայնիվ Էրդողանը հսկայական ռեսուրսներ ունի, որոնք անպայման կօգտագործելու է։ Ուստի դեռ վաղ է Էրդողանին պարտության մասին։
Հարցին, թե Էրդողանի հաղթանակը ինչպե՞ս կանդրադառնա Հարավային Կովկասում Թուրքիայի քաղաքականության վրա, փորձագետը նշեց.
Էրդողանի քաղաքականությունը Հարավային Կովկասում հայտնի է: Չնայած այն հանգամանքին, որ Էրդողանը քաղաքական Իսլամին հարող գործիչ է, նա անցավ «Թյուրքական նախագծին»: Սա թյուրքերի հին երազանքն է , այդ թվում Աթաթուրքի կողմնակիցների։ Դեռ վաղ է ասել, թե արդյոք քեմալականները թյուրքական աշխարհի հետ կապերը կզարգացնեն, թե ոչ։
Եթե քեմալականները դա անեն, ապա այն չափազանց վտանգավոր է իրենց համար, քանի որ ոչ բոլոր թյուրք ղեկավարներն են պատրաստ իրենց իշխանությունը նվիրել։ Սովորաբար այն ղեկավարները, ովքեր իշխանությունը հանձնում են ուրիշներին, կորցնում են և՛ իրենց կյանքը, և՛ իրենց քաղաքական կարիերան։ Չեմ կարծում, որ ընդդիմությունը կհրաժարվի պանթուրքիզմի գաղափարախոսությունից, քանի որ ընդհանուր առմամբ նրանք նույնպես հավատարիմ են դրա որոշ սկզբունքներին։ Փաստորեն, «Թյուրքական նախագծի» նկատմամբ, անտարբեր չի ո՛չ իշխանությունը, ոչ ընդդիմությունը։ Իսկ ի՞նչ է թյուրքական նախագիծը. միջանցքի բացում, թյուրքական աշխարհի միություն, Հայաստանի ոչնչացում։ Միամտություն կլինի կարծել, որ Հայաստանի համար ավելի լավ կլինի, եթե իրականացվի «Թյուրքական նախագիծը»։
Ռուս գիտնական. «Չեմ կարծում, որ թուրքական ընդդիմությունը կհրաժարվի պանթուրքիզմի գաղափարախոսությունից»
Հետևեք մեզ տելեգրամումՎերջին լուրեր
