Իրանի Տրանսպորտային ենթակառուցվածքների կառուցման և զարգացման ընկերության փոխնախագահ Աբբաս Խաթիբին հայտնել է, որ Ռուսաստանի հետ բանակցություններ են ընթանում Ռաշտ-Աստարա երկաթգծի ֆինանսավորման համար:
Փոխնախագահի խոսքով՝ ֆինանսավորման հարցի շուրջ բանակցությունները նախատեսվում են ավարտել մինչև մայիսի վերջ։
Խաթիբին անդրադարձել է նաև այս նախագծին ադրբեջանական կողմի մասնակցությանը՝ հավելելով, որ բանակցություններ են դեռ ընթանում:
«Մտադիր ենք Ռուսաստանի հետ երկկողմ համաձայնագիր կնքել, որից հետո Ադրբեջանի միանալով՝ այն կդառնա եռակողմ համաձայնագիր»,- ավելացրել է իրանցի պաշտոնյան:
Նշենք, որ ամիսներ առաջ Խաթիբին հայտարարել էր, որ մինչև ռուսների հետ Ռաշտ-Աստարայի ֆինանսավորման վերաբերյալ բանակցությունները, բանակցություններ են անցկացվել ադրբեջանական կողմի հետ, որը հայտարարել է, որ այս նախագծին մասնակցելու ցանկություն չունի։
Հետևեք մեզ տելեգրամում
