Թբիլիսիում կկայանա Վրաստան-Հայաստան գործարարական համաժողովը

Ապրիլի 7-ին Թբիլիսիում տեղի կունենա Վրաստան-Հայաստան գործարարական (բիզնես) համաժողովը։ Տեղեկությունը փոխանցում է aliq.ge լրատվամիջոցը:

Հաղորդվում է, որ Հայաստանի տարբեր ոլորտներից ավելի քան 100 առաջատար և խոշոր ընկերություններ կմասնակցեն համաժողովին` վրացի ձեռներեցների հետ գործարար կապեր հաստատելու նպատակով, մի շարք ոլորտներում՝ մասնավորապես մանրածախ բիզնես, գյուղատնտեսություն, գինու և պարենային ապրանքների արտադրություն, շինարարություն, լոգիստիկա, տեղեկատվական տեխնոլոգիաներ, զբոսաշրջություն և այլ ոլորտներում:

Հանդիպումների շրջանակում վրացական ընկերությունները հնարավորություն կունենան գործարար կապեր հաստատելու հայկական ընկերությունների հետ և քննարկելու ապագա համագործակցության և հնարավոր գործընկերության հեռանկարները։