Իսրայելը «պատրաստ է» հարձակվել Իրանի վրա և կարող է դա անել նույնիսկ առանց Միացյալ Նահանգների աջակցության: Այս մասին երեկ հայտարարել է Իսրայելի Պաշտպանության բանակի Գլխավոր շտաբի պետ Հերզի Հալեվին:
«Մենք պատրաստ ենք գործել Իրանի դեմ։ Իսրայելի բանակը կարող է հարվածներ հասցնել ինչպես հեռավոր երկրներում, այնպես էլ մերձակայքում»,- Հալեվիի խոսքերը մեջբերել է i24NEWS-ը:
Նա հայտարարել է, որ Իսրայելի պաշտպանության բանակն առաջիկա մի քանի տարիների ընթացքում կուժեղացնի Իրանին կանխարգելիչ հարված հասցնելու իր հնարավորությունները, իսկ նման հարվածը «ճնշող» կլինի՝ չնայած աշխարհագրական հեռավորությանը:
«Մենք գիտենք, թե ինչպես գործել միայնակ: Մենք ինքնիշխան պետություն ենք, որն իրեն իրավունք է վերապահում ինքնուրույն որոշումներ կայացնել։ Լավ կլիներ, որ ԱՄՆ-ը մեր կողքին լիներ, բայց դա քլ պարտավորություն չէ»,- հավելել է Հալեվին։
Հետևեք մեզ տելեգրամում
