Իրանի ԱԳՆ խոսնակ Նասեր Քանանին հայտարարել է, որ Սաուդյան Արաբիայի և Իրանի արտգործնախարարները քննարկել են տնտեսական ոլորտում հարաբերությունների ընդլայնման հնարավորությունը:
Պեկինում լրագրողների հետ հարցուպատասխանի ժամանակ Քանանին նշել է, որ այս ուղղությամբ նախատեսված են երկու երկրների պետական և մասնավոր պատվիրակությունների հանդիպումներ։
Բացի այդ, Քանանիի խոսքով, երկու արտգործնախարարները պատրաստակամություն են հայտնել Իրանի և Սաուդյան Արաբիայի միջև բոլոր ոլորտներում ընդլայնել երկկողմ հարաբերությունները:
Իրանի ԱԳՆ խոսնակը նաև նշել է, որ այսօր 2 փուլով տեղի ունեցած բանակցությունների շրջանակում կողմերն ընդգծել են տարածաշրջանում կայունության և անվտանգության կարևորությունը, և այս հարցում ընդհանուր համաձայնության են եկել։
Հետևեք մեզ տելեգրամում
