Սիրիայի նախագահ Բաշար ալ-Ասադը Սաուդյան Արաբիայի թագավոր Սալման բին Ադբուլազիզից հրավեր է ստացել՝ մասնակցելու Արաբական պետությունների լիգայի (ԱՊԼ) 32-րդ նստաշրջանին, որը տեղի կունենա Ջիդդա քաղաքում մայիսի 19-ին:
Նստաշրջանն անցկացվելու է անդամ-պետությունների ղեկավարների մակարդակով: Մասնակցության հրավերը Ասադին փոխանցել է Հորդանանում Սաուդյան Արաբիայի դեսպան Նայեֆ Ալ-Սուդայրին։
Նախագահ ալ-Ասադն իր ողջույններն ու շնորհակալությունն է հայտնել Սալման թագավորին՝ ընդգծելով, որ Սաուդյան Արաբիայում կայանալիք գագաթնաժողովը կնպաստի արաբական երկրների համատեղ գործողություններին՝ արաբ ժողովուրդների ձգտումներին հասնելու համար:
Հիշեցնենք, որ մայիսի 7-ին ԱՊԼ-ը որոշում էր կայացրել թույլատրել Սիրիային վերսկսել կազմակերպությունում իր մասնակցությունը: Պաշտոնական Դամասկոսը հեռացվել էր լիգայից սիրիական հակամարտության պատճառով դեռևս 2011 թվականին:
Հետևեք մեզ տելեգրամում
