Սաուդյան Արաբիայի Ջիդդա քաղաքում՝ ԱՄՆ հյուպատոսության մոտակայքում հրաձգություն է տեղի ունեցել, որի արդյունքում սպանվել է 2 քաղաքացի:
Ինչպես հայտնում է սաուդական պետական լրատվական գործակալությունը, անհայտ անձը, մեքենան մոտեցնելով ամերիկյան հյուպատոսության շենքի մոտ, դուրս է եկել մեքենայից՝ ձեռքում ունենալով հրազեն: Սաուդական անվտանգության ուժերի և անհայտ անձի միջև փոխհրաձգություն է սկսվել, որի հետևանքով սպանվել է զինված անձը և ԱՄՆ հյոպատոսության՝ ազգությամբ նեպալցի աշխատակիցը:
ԱՄՆ պետդեպարտամենտի խոսնակը Al Arabiya English-ի հետ զրույցում հաստատել է, որ հրաձգությունը հանգեցրել է երկու անձաց մահվան:
«ԱՄՆ դեսպանատունը և հյուպատոսությունը կապի մեջ են Սաուդյան Արաբիայի իշխանությունների հետ, քանի որ նրանք հետաքննում են միջադեպը»,- ասել է պաշտոնյան:
Պետդեպի խոսնակը հավելել է, որ ամերիկյան հյուպատոսությանը «պատշաճ կերպով» փակվել է, և ոչ մի ամերիկացի չի տուժել հրաձգության հետևանքով:
Հիշեցնենք, որ Ջիդդայում ԱՄՆ հյուպատոսությունը հարձակման էր ենթարկվել 2004 թվականին, երբ 5 անձ՝ հրազենով և պայթուցիկ նյութերով զինված ներխուժեցին հյուպատոսության շենք: Սպանվել էին Սաուդյան Արաբիայի անվտանգության 9 աշխատակից։
Հետևեք մեզ տելեգրամում
