Ի՞նչ նպատակ է հետապնդում Բաքվի հակաարցախյան տեղեկատվական արշավը. փորձագետ

Արցախում ռազմական նոր գործողություն իրականացնելու վերաբերյալ Ադրբեջանի իշխանությունների նախաձեռնած քարոզչական արշավը նպատակ է հետապնդում ստուգել գործողության հնարավոր արդյունքներն ու հաշվարկել հետևանքները: Նման տեսակետ է հայտնել տարածաշրջանային հարցերով փորձագետ Արմեն Պետրոսյանը:

Պետրոսյանի խոսքով՝ վերոնշյալ քարոզչական արշավը նպատակ ունի նաև ագրեսիայի համար տեղեկատվական ֆոն ապահովել:

«Բաքվի ցեղասպան վարչակարգի նպատակն է հասկանալ՝ կարճաժամկետ հեռանկարում որևէ լայնամասշտաբ գործողությանն ինչպես կարող են արձագանքել

1.Սեփական հանրությունը

2.Արցախը

3.Հայաստանը

4.Ռուսաստանը

5.Իրանը

6.Արևմուտքը»,- Facebook-ի իր միկրոբլոգում գրել է փորձագետը:

Պետրոսյանը կարծում է, որ ըստ հնարավոր արձագանքների որոշակի արդյունքների էլ Բաքուն կպլանավորի Արցախի դեմ գործողությունների հավանական սցենարները։