Թուրքիան և Եգիպտոսը դեսպաններ են նշանակել երկու երկրների միջև դիվանագիտական հարաբերությունների վերականգնման ֆոնին:
Aljazeera-ն, վկայակոչելով Թուրքիայի ԱԳՆ-ի տարածած համատեղ հայտարարությունը, գրում է, որ Կահիրեում Թուրքիան դեսպան է նշանակել Սալիհ Մուլթու Սենին, իսկ Եգիպտոսը, համապատասխանաբար, Ամր Էլ-Համամին:
«Այս քայլն ուղղված է երկու երկրների հարաբերությունների վերականգնմանը և արտացոլում է երկկողմ հարաբերությունները բարելավելու փոխադարձ կամքը՝ ի շահ թուրք և եգիպտացի ժողովուրդների»,- ասված է համատեղ հայտարարության մեջ:
Նշենք, որ Եգիպտոսն ու Թուրքիան հակասություններ ու թյուրըմբռնումներ ունեն տարածաշրջանային շատ հարցերի վերաբերյալ: Երկկողմ մերձեցման գործընթացը մեկնարկեց 2020-ական թթ.:
Տարածաշրջանային մրցակիցները 2023 թվականին բազմիցս բանակցություններ են վարել նախարարների մակարդակով և բանակցել դիվանագիտական հարաբերությունների լիարժեք վերականգնման շուրջ։
Մերձեցման գործընթացին նպաստեց Եգիպտոսի նախագահ Աբդել Ֆաթահ ալ-Սիսիի և Թուրքիայի նախագահ Ռեջեփ Թայիփ Էրդողանի ձեռքսեղմումը՝ Կատարում կայացած Ֆուտբոլի աշխահի առաջնության բացման արարողության ժամանակ:
Հետևեք մեզ տելեգրամում
