Իրանցի միջազգայնագետ Էհսան Մովահեդիանն անդրադարձել է Բաքվում կայացած «Չմիավորման շարժման» շրջանակներում Իրանի արտգործնախարարի և Ադրբեջանի նախագահի հանդիպմանը:
«Ալիևը, որի երկիրը սահմանը մինչև ուղնուծուծը Իսրայելի, ՆԱՏՕ-ի, Թուրքիայի վերահսկողության տակ է, խոսում է այն մասին, որ Ադրբեջանի տարածքից Իրանին սպառնալիք չի լինելու:
Խոսում է Իրանի պատմական ուղիները հարգելու մասին, այն պարագայում երբ «Չմիավորման շարժման» նիստին հայտարարում է, որ Հայաստանը թույլ չի տալիս, որ Զանգեզուրի միջանցքը (Հայաստանի ու Իրանի սահմանը կտրելու համար) բացվի»,- Telegram-ի իր ալիքում գրել է փորձագետը:
Մովահեդիանը համոզմունք է հայտնել, որ առաջիկայում ականատես կլինենք Ալիևի հակաիրանական գործողությանը, քանի որ «Իրանի նկատմամբ Բաքվի քաղաքականությունը Իսրայելն է ղեկավարում»:
«ՆԱՏՕ-ի, Թուրքիայի և սիոնիստների միությունը, Հայաստանին թուլացնելով, դեպի հանձնվել է տանում: Լեռնային Ղարաբաղի կամ Արցախի գրավումից, հայերին ցեղասպանելուց կամ բռնի տեղահանելուց հետո Իսրայելի, ՆԱՏՕ-ի, Թուրքիայի կողմից հովանավորվող ահաբեկիչներ են տեղակայվելու այդ տարածքներում»,- շարունակել է փորձագետը:
Մովահեդիանի կարծիքով՝ «Զանգեզուրի կողծ միջանցքի» ստեղծումից հետո Բաքվի իշխանությունները կենտրոնանալու են Իրանի ազարիաբնակ նահանգների մասնատման վրա:
Հետևեք մեզ տելեգրամում
