Երեկ Վիեննայում կայացել է ՕՊԵԿ-ի (Նավթ արտահանող երկրների կազմակերպություն) միջազգային 8-րդ գագաթաժողովը: Տեղեկությունը փոխանցում է Al Arabiya-ն:
Գագաթաժողովի ժամանակ ՕՊԵԿ-ի գլխավոր քարտուղար Հայսամ ալ-Ղայսը հայտարարել է, որ մի շարք երկրների՝ այդ թվում Ադրբեջանի, Բրունեյի, Մեքսիկայի և Մալայզիայի հետ խորհրդակցություններ են անցկացվել կազմակերպության միանալու համար:
Հիշեցնենք, որ ՕՊԵԿ-ը հիմնադրվել է 1960 թվականին Բաղդադում առաջին հինգ անդամների՝ Իրանի, Իրաքի, Քուվեյթի, Սաուդյան Արաբիայի և Վենեսուելայի կողմից։ Կազմակերպության գլխավոր գրասենյակը 1965 թվականից մինչ այսօր գտնվում է Վիեննայում։ Ներկայումս ՕՊԵԿ-ի անդամ պետություններ են հանդիսանում Ալժիրը, Անգոլան, Կոնգոն, Հասարակածային Գվինեան, Գաբոն, Իրանն, Իրաքը, Քուվեյթը, Լիբիան, Նիգերիան, Սաուդյան Արաբիան, ԱՄԷ-ն և Վենեսուելան:
Հետևեք մեզ տելեգրամում
