Իրանի և Սաուդյան Արաբիայի նավթի նախարարներ Ջավադ Օուջին և Աբդուլազիզ բին Սալմանը հանդիպել են Վիեննայում կայացած ՕՊԵԿ-ի միջազգային 8-րդ գագաթաժողովի շրջանակներում:
Al Arabiya-ն, վկայակոչելով INSA-ի տարածած հաղորդագրությունը, գրել է, որ նախարարները քննարկել են «Իրանի և Սաուդյան Արաբիայի միջև երկկողմ խնդիրներն՝ այդ թվում նավթի և գազի արդյունաբերության մեջ ներդրումները, ինչպես նաև համատեղ ներդրումների հնարավորությունը»:
Հիշեցնենք, որ երկարատև դադարից հետո Սաուդյան Արաբիայի և Իրանի միջև դիվանագիտական հարաբերությունները վերականգնվել են սույն թվականի մարտին՝ Չինաստանի միջնորդությամբ:
Հետևեք մեզ տելեգրամում
