«Իսլամական պետություն» ահաբեկչական կազմակերպությունն այսօր հաստատել է իր առաջնորդի մահվան մասին լուրերը:
Al Arabiya-ն, վկայակոչելով ԻՊ-ի խոսնակի տարածած ձայնային հաղորդագրությունը, նշել է, որ կազմակերպության առաջնորդ Աբու ալ-Հուսեյն Ալ-Կուրաշին սպանվել է Սիրիայի Իդլիբ նահանգում՝ «Հայաթ Թահրիր ալ-Շամ» ծայրահեղական խմբավորման հետ բախումների ժամանակ: Առաջնորդի մահվան հստակ օրը չի նշվել:
Կազմակերպության խոսնակը հայտարարել է, որ ԻՊ-ի նոր՝ հինգերորդ առաջնորդն Աբի Հաֆսան ալ-Հաշիմի ալ-Կուրաշին է:
Նշենք, որ կազմակերպության առաջին առաջնորդ Աբու Բաքր ալ-Բաղդադին ևս սպանվել է Իդլիբում 2019 թվականի հոկտեմբերին։
Հետևեք մեզ տելեգրամում
