Վրաստանի խորհրդարանի նախագահ Շալվա Պապուաշվիլին ընդունել է իսրայելցի գործընկեր Ամիր Օհանային։ Տեղեկությունը հայտնում է Վրաստանի խորհրդարանի պաշտոնական կայքը:
Հանդիպմանը քննարկվել է Վրաստանի և Իսրայել միջև համագործակցության հարցեր, այդ թվում՝ տնտեսության, զբոսաշրջության, մշակույթի և անվտանգության ոլորտներում։
Հանդիպումից հետո կայացած մամուլի ասուլիսի ընթացքում Պապուշավիլին, անդրադառնալով երկու երկրների տնտեսական հարաբերություններին, նշել է, որ 2024 թվականին կսկսվեն բանակցությունները ազատ առևտրի համաձայնագրի ստորագրման շուրջ, ինչը էլ ավելի մեծ հնարավորություններ կստեղծի երկու երկրների և ժողովուրդների հարաբերություններում։
Պապուաշվիլին հայտնել է, որ հանդիպմանը անդրադարձ է կատարվել նաև տարածաշրջանային անվտանգության մարտահրավերներին։
«Մենք կայունություն և խաղաղություն ենք մաղթում Իսրայելին և ամբողջ Մերձավոր Արևելքի տարածաշրջանին»,- հավելել է նա։
Իր հերթին Ամիր Օհանան բարձր է գնահատել երկու երկրների հարաբերությունների մակարդակը և հույս հայտնել, որ Վրաստանի խորհրդարանի նախագահը մոտ ապագայում կայցելի Իսրայել։
Հետևեք մեզ տելեգրամում
