ԱՄՆ պետքարտուղար Էնթոնի Բլինքենը հայտարարել է, որ նախագահ Ջո Բայդենը չորեքշաբթի կայցելի Իսրայել: Բլինքենն այս մասին հայտարարել է Իսրայելի վարչապետ Բենիամին Նեթանյահուի հետ տեղի ունեցած հանդիպումից հետո:
Իսրայելական ԶԼՄ-ները հաղորդել են, որ հանդիպումը տեղի է ունեցել Թել Ավիվիում գտնվող Քիրիյա ռազմաբազայում և ձգվել է մոտավորապես յոթ ու կես ժամ:
«Չորեքշաբթի նախագահ Բայդենը կայցելի Իսրայել: Նա այստեղ է գալիս վճռորոշ պահին Իսրայելի համար, տարածաշրջանի և աշխահի համար»,- X-ում գրել է Բլինքենը:
Բայդենն ավելի ուշ X-ում գրել է, որ մեկնելու է Իսրայել՝ «կանգնելու նրա կողքին ՀԱՄԱՍ-ի դաժան ահաբեկչական հարձակմանը դիմակայելու համար»:
«Այնուհետև ես կմեկնեմ Հորդանան՝ հասցեագրելու մարդասիրական ծանր կարիքները, հանդիպելու առաջնորդների հետ և հստակեցնելու, որ ՀԱՄԱՍ-ը չի պաշտպանում պաղեստինցիների ինքնորոշման իրավունքը», – հավելել է ԱՄՆ նախագահը:
Հաղորդվել է նաև, որ Բայդենը հանդիպելու է Իսրայելի վարչապետ Բենիամին Նեթանյահուի և այլ բարձրաստիճան պաշտոնյաների հետ:
Հետևեք մեզ տելեգրամում
