Հայաստանը Լոս Անջելեսում գլխավոր նոր հյուպատոս ունի

ՀՀ արտաքին գործերի նախարարի հրամանով Կարեն Իսրայելյանը նշանակվել է Լոս Անջելեսում Հայաստանի գլխավոր հյուպատոս:

Ինչպես հայտնում է ՀՀ ԱԳՆ մամուլի ծառայությունը, Կարեն Իսրայելյանը մինչ այս եղել է ԱԳՆ Պետական արարողակարգի ծառայության պետի պաշտոնակատար։

Նա նաև զբաղեցրել է ԵՄ–ում ՀՀ ներկայացուցչության փոխդեսպանի, Միացյալ Թագավորությունում ՀՀ դեսպանության երկրորդ քարտուղարի, ԱՄՆ-ում ՀՀ դեսպանության առաջին քարտուղարի, Իրանում ՀՀ դեսպանության կցորդի պաշտոնները։

Նշենք, որ Արմեն Բայբուրդյանի դիվանագիտական առաքելության ավարտից հետո Լոս Անջելեսում ՀՀ գլխավոր հյուպատոսի պաշտոնը թափուր էր։ Բայբուրդյանը Լոս Անջելեսում ՀՀ գլխավոր հյուպատոսի պաշտոնը զբաղեցրել է 2018-2022 թվականներին։