Կոչ ենք անում Ադրբեջանին ամբողջությամբ կատարել միջազգային մարդասիրական իրավունքով ստանձնած պարտավորությունները: Այս մասին հաղորդագրություն են տարածել Մեծ Յոթնյակի (G7) երկրները՝ Տոկիոյում արտգործնախարարների մակարդակով կայացած հանդիպումից հետո:
«Մենք լրջորեն անհանգստացած ենք Ադրբեջանի կողմից իրականացված ռազմական գործողությունից հետո Լեռնային Ղարաբաղից հայերի տեղահանման մարդասիրական հետևանքներով։ Մենք կոչ ենք անում Ադրբեջանին ամբողջությամբ կատարել միջազգային մարդասիրական իրավունքով ստանձնած պարտավորությունները և ողջունում ենք տեղահանվածների հրատապ հումանիտար կարիքների լուծմանն ուղղված միջազգային ջանքերը։
Մենք ընդգծում ենք մեր աջակցությունը Հայաստանի և Ադրբեջանի միջև կայուն խաղաղության հաստատմանը` հիմնված ուժի չկիրառման, ինքնիշխանության հարգման, սահմանների անձեռնմխելիության և տարածքային ամբողջականության սկզբունքների վրա»,- նշված է հայտարարության մեջ:
Հետևեք մեզ տելեգրամում
