Պատերազմի ավարտից հետո Պաղեստինի ինքնավարությունը չի կարող կառավարել Գազայի հատվածը: Այս մասին հայտարարել է Իսրայելի վարչապետ Բենիամին Նեթանյահուն՝ հավելելով, որ Իսրայելը նաև չի նախատեսում այդ հատվածներում բնակավայրեր կառուցել:
«Գազան պետք է ապառազմականացվի և ապառադիկալացվի», – կիրակի առավոտյան NBC-ի Meet the Press-ին ասել է Նեթանյահուն:
«Առայժմ մենք չենք տեսել պաղեստինյան որևէ ուժ՝ այդ թվում Պաղեստինի ինքնավարությունը, որն ի վիճակի լինի դա անել [խմբ.՝ կառավարել Գազայի հատվածը]»,- հավելել է Իսրայելի վարչապետը:
Նեթանյահուն նաև ասել է, թե «Պաղեստինի ինքնավարությունը սատարել է հակասեմականությանը և համագործակցել ահաբեկչության հետ՝ օգտագործելով դասագրքեր, որոնք սովորեցնում են աշակերտներին ատել Իսրայելը և տրամադրելով ամսական դրամական կրթաթոշակներ ահաբեկիչներին և նրանց ընտանիքներին»:
Հետևեք մեզ տելեգրամում
