Հայաստանն ինչպես համարել է, այնպես էլ համարում Ռուսաստանը բարեկամ երկիր։ «Արմենպրես»-ի հաղորդմամբ՝ այս մասին հայտարարեց ՀՀ վարչապետ Նիկոլ Փաշինյանը՝ պատասխանելով քաղաքացու՝ հայ-ռուսական հարաբերություններին առնչվող հարցին։
«Ինչպես Ռուսաստանի Դաշնությունը համարել ենք, այնպես էլ համարում ենք բարեկամ երկիր։ Եվ բարեկամ երկրների հետ հարաբերություններում կան հարցեր, որոնք անհրաժեշտ է հասցեագրել։ Եվ մենք այս տրամաբանությամբ էլ առաջնորդվում ենք, և մենք հույս ունենք և ամեն ինչ կանենք, որպեսզի Ռուսաստանի Դաշնության հետ մեր հարաբերությունները կառուցվեն փոխադարձ հարգանքի և փոխադարձ միմյանց շահերը նկատի առնելու, ինքնիշխանությունը, անկախությունը հարգելու տրամաբանության մեջ»,- ասաց վարչապետը։
Հետևեք մեզ տելեգրամում
