Աշխարհի դրական խաղաղության վարկանիշում Հայաստանը բարելավել է իր դիրքերը

«Տնտեսագիտության և խաղաղության ինստիտուտ» (IEP) միջազգային վերլուծական կենտրոնը հրապարակել է դրական խաղաղության զեկույցը (Positive peace report)։

Զեկույցի համաձայն դրական խաղաղության ինդեքսով երկրների վարկանիշում Հայաստանը հայտնվել է 54-րդ տեղում՝ բարելավելով իր դիրքերը 16 կետով։ Հարևան երկրներից Թուրքիան 91-րդն է, Վրաստանը՝ 49-րդը , Ադրբեջանը՝ 104-րդը, Իրանը՝ 124-րդը։
Նշենք, որ դրական խաղաղություն հաստատելու ամենամեծ բարելավումները տեղի են ունեցել Ուզբեկստանում, Հայաստանում, Գամբիայում, Թայվանում և Իռլանդիայում:

Զեկույցը կազմելիս հաշվի են առնվում այնպիսի գործոններ, որոնք նպաստում են խաղաղ հասարակության ձևավորմանը, ինչպես օրինակ կոռուպցիայի ցածր մակարդակ, առողջ բիզնես միջավայր, ռեսուրսների արդար բաշխում, այլոց իրավունքների ընդունում, տեղեկատվության ազատություն, մարդկային կապիտալի բարձր մակարդակ և լավ հարաբերություններ հարևանների հետ։